ქართულ-გერმანული ინტეგრაციული მედიცინის ცენტრი "თერაპიის სახლი" გთავაზობთ პედიატრიული მომსახურეობის ჰოლისტიკურ მიდგომას, რომელიც ითვალისწინებს ბავშვის პიროვნებისა და მისი მიკროსოციალური გარემოს სიღრმისეულ შესწავლას,  გულწრფელ თანაგრძნობას და პროფესიული კონსულტაციის ჩატარებას. მკურნალობა ხდება ბუნებრივ ნედლეულზე დამზადებული უსაფრთხო მედიკამენტებით (ადგილობრივი წარმოების, Wala და Weleda -ს მედიკამენტები), რომლებიც ეფექტურია, განსაკუთრებით ბავშვთა ასაკში და გვერდითი მოვლენები არ აქვს.

ჰოლისტიკური პედიატრია გულისხმობს მკურნალობის პროცესში, საჭიროების შემთხვევაში, ქიმიური მედიკამენტების გამოყენებას, მკურნალობის ეფექტურ შედეგებს, მკურნალობის უსაფრთხო და შედარებით ხანმოკლე პერიოდს. პირადი ექიმის მიერ ხდება პაციენტის (ბავშვის) როგორც ფიზიოლოგიური, ისე ემოციური და ფსიქიკური ფაქტორების გათვალისწინება. მკურნალობის დაგეგმვის  პროცესში ხდება უნიკალური დამხმარე თერაპიების კომპლექსის შეთავაზება, როგორიცაა სამკურნალო ევრითმია (მოძრაობით თერაპია), რიტმული მასაჟი, რომელიც ძირეულად განსხვავდება კლასიკური მასაჟისაგან, ხელოვნებით (Art) თერაპია და ა.შ.

მკურნალობის პროცესში დიდი ყურადღება ეთმობა ბავშვის კონსტიტუციური ტიპის განსაზღვრას, მის ასაკობრივ ჯგუფსა და მიკროსოციალურ გარემოს. მათი ცოდნა შესაძლებლობას იძლევა განვსაზღვროთ ბავშვის მიდრეკილებები სხვადასხვა დაავადებების მიმართ, რასაც დიდი მნიშვნელობა აქვს მკურნალობის პროცესისათვის. ყურადღება ეთმობა იმ ფაქტს, თუ როგორი პედაგოგიური მიმართება არსებობს ბავშვისადმი, აღზრდის რა მეთოდები გამოიყენება მის მიმართ და რომელი მეთოდია საჭირო. ყველაფერ ამის შესახებ ინფორმაციას მიიღებთ სანდო, ყურადღებიანი ექიმისგან, რომლის მთავარი ფასეულობაა გულწრფელი თანადგომა.

დედებს და მამებს შეუძლიათ მიიღონ კვალიფიციური რჩევები და პედიატრთან ერთად დაგეგმონ ბავშვის უსაფრთხო პრევენციული და სამკურნალო ღონისძიებები, რადგან მშობლების ჩართულობას შვილის გაჯანსაღების პროცესში ძალიან დიდი მნიშვნელობა აქვს. ახალგაზრდა დედებისთვის, რომლებისთვისაც ყველაფერი პირველადაა, ახალი და უცხოა, დავეხმარებით დაძლიოს ის შიში, რომელიც შესაძლებელი და გასაგებია, გაჩნდეს როგორც ბავშვის მოვლის, ასევე დაავადების აღმოცენების პროცესში. დედებს და მამებს ეძლევათ საშუალება აქტიური მონაწილეობა მიიღონ მკურნალობის პროცესში.

,,თერაპიის სახლში“ ხორციელდება მკურნალობა როგორც მწვავე, ასევე ქრონიკული დაავადებების დროს: 

1. სასუნთქი სისტემის დაავადებები (ზედა საუნთქი გზების ინფექცია, ბრონქიტი, პნევმონია);
2. საჭმლის მომნელებელი ტრაქტის დაავადებები (პირის ღრუს დაავადებები, ეზოფაგიტი, გასტრიტი, ქოლეცისტიტი, ჰეპატიტი, კოლიტი და ა.შ.)
3. შარდ-სასქესო სისტემის დაავადებები;
4. ენდროკრინული სისტემის დაავადებები (ფარისებური ჯირკვლის დისფუნქცია, სქესობრივი მომწიფების პერიოდის დარღვევები);
5. ალერგიული დაავადებები (პოლინოზი, ჭინჭრის ცხელება, ალერგიული ეტიოლოგიის სასუნთქი გზების პათოლოგია და ა.შ.);
6. ფსიქო-ნევროლოგიური დაავადებები (ღამის ენურეზი, ენაბლუობა, ნერვული ტიკები, ფსიქო-მოტორულ განვითარებაში ჩამორჩენა და ა.შ.);
7. ახალშობილთა პატრონაჟი.

"თერაპიის სახლში" თქვენ მიიღებთ კვალიფიციურ მომსახურეობას (მოსმენა, ზრუნვა, თვენი აზრის გათვალისინება) და ბუნებრივ ნედლეულზე დაზადებული მედიკამენტებით უსაფრთხო მოვლასა და მკურნალობას ეფექტური შედეგით. თქვენ შეგიძლიათ უწყვეტი კონტაქტი გქონდთ პედიატრთან, როგორც ტელეფონით, ასევე სოციალური ქსელით და თქვენთვის გამოუვალ მდგომარეობაში მიიღოთ რჩევა.

იზრუნე შენი ბავშვის ჯანმრთელობაზე, აირჩიე პრევენციისა და მკურნალობის უსაფრთხო გზა!

ძველ დროში მკურნალი ექიმის პროფესიული საქმიანობა გულისხმობდა ადამიანის ერთ მთლიანობად მოაზრებას და პაციენტის ნებისმიერი პრობლემის მოგვარებაზე პასუხისმგებლობის აღებას. დროთა განმავლობაში მედიცინაში ტექნოლოგიებისა და ვიწრო სპეციალობების განვითარებამ საექიმო საქმიანობის ფრაგმენტაცია გამოიწვია, რამაც უკანა პლანზე გადასწია ადამიანის მთლიანობის აღქმა და მკურნალობის პროცესში მისი პიროვნულობის ფაქტორის გათვალისწინება. ფოკუსირება მოხდა დაავადებაზე და არა ადამიანზე, რამაც, ბუნებრივია, გამოიწვია პაციენტთა უკმაყოფილების ზრდა. ამ პრობლემის გამოსწორება შესაძლებელია ოჯახის ექიმის ინსტიტუტის განვითარებით.

„თერაპიის სახლის“ ოჯახის ექიმები არიან ლიცენზირებული, უმაღლესი სამედიცინო განათლების და რეზიდენტურის სპეციალური კურსის გავლის შემდეგ გერმანიასა და შვეიცარიაში კვალიფიცირებული სპეციალისტები, რომლებიც უზრუნველყოფენ პერსონალურ, პირველად და უწყეტ სამედიცინო მეთვალყურეობას და დახმარებას პიროვნებისთვის, მიუხედავად მისი ასაკისა, სქესისა და დაავადებისა. ესაა ფუნქციათა უნიკალური სინთეზი, ჰოლისტიკური მიდგომა, პაციენტის ფიზიკური, პიროვნული, ფსიქოლოგიური, ოჯახური და სოციალური ფაქტორების გათვალისწინება. საჭიროების შემთხვევაში ხდება მკურნალობის პროცესში სხვა კოლეგა-სპეციალისტების ჩართვა, პაციენტზე მუდმივი მეთვალყურეობა როგორც მწვავე, ისე ქრონიკული ან ტერმინალური დაავადებების დროს.

პაციენტთან ხანგრძლივი კონტაქტი, როგორც პირველი ვიზიტის, ისე განმეორებითი შეხვედრების დროს, უზრუნველყოფს სრულყოფილი ინფორმაციის შეგროვებას, როგორც პაციენტის, ისე მისი ოჯახის შესახებ. ეს შესაძლებელს ხდის პრობლემების რეალური მიზეზების წვდომას და, საჭიროებისამებრ, საოჯახო თერაპიის ჩატარებას, რათა ხელი შეეწყოს პაციენტის, მისი ოჯახის წევრების და ოჯახის ჯანმრთელობას და უსაფრთხოებას.

ქართულ-გერმანულ ინტეგრაციულ მედიცინის ცენტრში ‘თერაპიის სახლი’ პაციენტის მკურნალობა ეფუძნება ჰოლისტიკურ მიდგომას, რაც გულისხმობს დაავადების კომპლექსური გზით მკურნალობას. ჰოლისტიკური მედიცინა პაციენტსმიიჩნევს ინდივიდუალურ, უნიკალურ პიროვნებად და მკურნალობის პროცესში ითვალისწინებს მის ფიზიოლოგიურ, ემოციურ და ფსიქიკურ ფაქტორებს. ინტეგრაციულ მედიცინას და ჰოლისტიკურ მიდგომას 21-ე საუკუნის მკურნალობის მეთოდად მიიჩნევენ და ის სულ უფრო და უფრო პოპულარული და აქტუალური ხდება მთელი მსოფლიოს მასშტაბით.  ამის დასტური არის ჯერ კიდევ 2000 წელს Harvard-ის სამედიცინო სკოლის მიერ ჩამოყალიბებული ინტეგრაციული მედიცინის დეპარტამენტი, რომელიც მუშაობს ჰოლისტიკური მკურნალობის მეთოდის შედეგების სამეცნიერო აღიარებასა და მის პოპულარიზაციაზე. 2013 წლიდან ინტეგრაციულ მედიცინასა და ჰოლისტიკური მკურნალობის მეთოდზე სწრაფად მზარდმა მოთხოვნამ განაპირობა ამერიკის და ევროპის, როგორც წამყვან კლინიკებში (მაგ. Cleveland Clinic, Mayo Clinic, Johns Hopkins Medicine, Havelhohe, Gemeinschaftskrankenhaus-Herdecke და ა.შ.) ინტეგრაციული მედიცინის მიმართულებების განვითარება, ისე ცალკე არსებული ინტეგრაციული მედიცინის ცენტრების (მაგ. Osher Center for Integrative Medicine, UC San Diego და ა.შ.) ჩამოყალიბება. ასევე, აღიარებულია, რომ ინტეგრაციული მედიცინა და ჰოლისტიკური მკურნალობის მეთოდი უალტერნატივოა ჯანსაღი ცხოვრების წესის დაგეგმავასა და ავადმყოფობის პრევენციის ეტაპზე. 

„თერაპიის სახლში“ ინტეგრაციული მედიცინის ჰოლისტიკური მიდგომა ეფუძნება ანთროპოსოფიულ მედიცინის ცოდნას. სამედიცინო ცენტრში მკურნალობა ხორციელდება გერმანიასა და შვეიცარიაში გადამზადებული ექიმების მიერ, რომელთაც გარდა კლასიკური სამედიცინო განათლებისა, აქვთ თეორიულ-პრაქტიკული გამოცდილება ანთროპოსოფიულ, ადამიანთმცოდნეობაზე დაყრდნობილ მედიცინაში. პრობლემის რეალური მიზეზების წვდომისთვის ადამიანი მოიაზრება, როგორც სასიცოცხლო პროცესების, გრძნობების და აზროვნების მქონე ფიზიკურ-სულიერი ინდივიდუალობა თავისი ბიოგრაფიით და მიკროსოციალური გარემოთი. “თერაპიის სახლში” ხორციელდება როგორც პირველადი დიაგნოსტიკა, ისე უწყვეტი სამედიცინო მეთვალყურეობა, საჭიროების შემთხვევაში კი ხდება  პროცესში კოლეგა - სპეციალისტების ჩართვა. მედიკამენტოზური მკურნალობის დროს, თვითგანკურნების ძალების გააქტიურებისთვის, უპირატესობა ენიჭება ბუნებრივ სამკურნალო საშუალებებს (Weleda, Wala, ადილგობრივი წარმოების პრეპარატები), ამავე მიზნისთვის  გამოიყენება მრავალფეროვანი უნიკალური სარეაბილიტაციო თერაპიები (ხელოვნებითი თერაპია, მოძრაობის თერაპია - ევრითმია, რიტმული მასაჟი, სამურნალო აბაზანები და სხვა გარეგანი საშუალებები). პაციენტი და მისი უახლესი გარემო აქტიურად არის ჩართული ჯანმრთელობის აღდგენის და შენარჩუნების პროცესში.

ანთროპოსოფიულ მედიცინას ჰოლისტიკური მიდგომის გამოყენების 100 წლიანი გამოცდილება აქვს. „თერაპიის სახლი” 1991 წლიდან, დაარსების დღიდან ეყრდნობა ამ მეთოდს და გამოირჩევა პაციენტების მიმართ განსაკუთრებული მზრუნველი დამოკიდებულებით და გულწრფელი თანადგომით, როგორც დაავადების პრევენციის, ისე მკურნალობის პროცესში და აგრეთვე შემდგომ რეაბილიტაციის პერიოდში. 

მნიშვნელოვანია აღინიშნოს, რომ ჰოლისტიკური მკურნალობისას ექიმთან პირველადი კონსულტაციის პერიოდი გრძელდება დაახლოებით 1 საათი, რა დროსაც ხორციელდება ექიმის მიერ პაციენტის და მისი გარემოს სიღრმისეული, არა ზედაპირული შესწავლა და შესაბამისი პროფესიული კონსულტაცია. სწორედ ამ ეტაპზე, ექიმი პაციენტთან ურთიერთობის პროცესში, საჭიროების შემთხვევაში, გამოკვეთს ბავშვობიდან მოყოლებულ ყველა იმ ძირითად ბიოგრაფიულ საკითხს, რაც დაკავშირებულია პაციენტის ამჟამინდელ ჯანმრთელობის მდგომარეობასთან.

ინტეგრირებული მიდგომა არის აზროვნების, პროფესიული ცოდნისა და გამოცდილების ურთიერთდაკავშირებული ერთობლიობა, რაც პაციენტისთვის ჯანმრთელი მომავლის უზრუნველყოფის შესაძლებლობას ქმნის.